I am Red Enough


講真，今朝場波可以話係我人生入面最肉緊o既一場

上半場 ManUtd 即使控制比賽，
第一個機會埋門無諗過咁輕易就俾 C朗 入波，
第二個同埋第三個機會無諗過傑斯 / 卡域克 同埋 迪維斯 唔入，
否則上半場完場 ManUtd 已經領先 3-0...
更無諗過，臨半場完會俾車仔追和 1-1

下半場形勢逆轉，無諗過 ManUtd 會無乜攻勢，
又無諗過車仔先後中柱中楣 ManUtd 都咁好彩未輸得，
否則下半場完場 ManUtd 會輸 1-3...
更無諗過車仔杜奧巴會領紅牌...

所以... 其實 ManUtd 同埋車仔90分鐘埋單應該 3-3...

十二碼時無諗過全隊最好波o既 C朗 會射失，
見泰利行出o黎幫車仔埋齋，諗住可以熄電視，9年後再見...
點知... 無諗過車仔泰利最後一球宴客

直到即時死亡，當雲達沙撲出安歷卡射門，
我實在忍唔住o益o左出o黎..

____________________________________________

ManUtd 歐洲賽往績一向麻麻，計埋今次只捧過歐聯獎盃三次，
作為 Fans，唔知道要等幾多年先至再見到呢一幕...

勝負往往只差一線
但呢條線，往往係扣人心弦.