神州行
桂林 - 陽朔 - 龍脊 - 興平

復活節假跟女朋友同埋佢o既fan走o左桂林一轉，
好好彩，天氣比國家氣象公佈的好... 除左第一日行山時落雨外，
其餘日子都好好天

第一次孭背囊搭火車四圍去，無想象中咁辛苦，
當然，搭火車嘥多啲時間，不過可以慳好多，
成個團六日，用咗1500人仔，加上同行的有個團友去過桂林好多次，
佢帶我哋去咗好多跟團去唔到試唔到o既o野，
反正我對一啲 trademark 景點無乜興趣，呢個團我俾五個萍果佢～～

第二日
朝早六點幾火車到達桂林，隨即搭巴士入陽朔，
中國以雲南元陽梯田同埋廣西龍脊梯田最出名，
我今次行上龍脊梯田，
我o地穿過當地少數民族山寨，僱用當地人做挑夫幫我哋拎行李，
隨即上山，目標係要住山上面最高o既木建旅舍 - 全景樓
第二朝一早睇日出..

唔算好高，只係1100米左右，
但沿路風光好靚，梯田好似一塊塊方包疊起o黎咁...
正正想講梯田如果注滿水會仲靚，就o黎o左一陣暴雨，
好彩有便利雨衣頂住...

雨後山路當然難行，但梯田的確變得更靚，
(抱歉我啲相o係女朋友度，容後發佈)
空氣夾雜咗草味，更加清新





第三日
六點起身，天陰陰，山上只有9度，無日出睇，
打算o係全景樓食當地早餐紅豆粥，之後落山之際，誰知
太陽出來了！～
只有五分鐘，但大家都興奮到暈，長短鏡DV拎晒出o黎...

又再一次証明上山容易落山難，我隻腳有幾堅大家都知...
呢一嘢真係... 總之... 好彩及時到埗啦...

出車去興平 ，係一個漓江旁o既一個古城，
當晚試咗當地美食啤酒魚

第三日
7點坐船仔游漓江，沿住水壩行，
桂林好多山水，雖然香港都係山多平地少，
但桂林俾我o既感覺係...
人依住山o黎住 - 啲屋好似o係山與與之間起出嚟，
一間屋o既後面就有一座山，屋前面就有一塊田，
背山面河o既樓盤通街都係..
消費指數又低（一份早餐兩蚊人仔，死未?!）
當晚出車去陽朔西街.

西街係一個遊客區，多嘢買環境好啲，
我哋當晚睇咗當地好出名o既水上歌舞劇 - 劉三姐
呢齣劇極之出名，由張藝謀做總導演，
張藝謀執導o既大型水上歌劇有三齣，
分別喺桂林漓江，雲南麗江同埋杭州西湖，
都係講當地風土民情o既.
如果朋友仔之後去廣西桂林，我 Highly recommend.

深夜我o地成班 fan 落酒吧... what for?
當然係英超四強大對決啦~~
旗幟照明：我同我女友都係曼聯 fans..
當晚睇完兩場後當然開心到瞓唔著~~ ^.^

第四日
一早租單車踩去月亮山，當日好曬，
所以中途有人提議租竹筏過江，省回一個小時o既腳骨力，
於是就將單車放o係竹筏上過江，我仲試過撐竹筏，
原來好難，我估，比獨木舟更難，
因為竹幼，要插到水底再拉後抽出，感受到好大o既水阻...

去到月亮山食過午飯，就坐車去銀子岩睇岩石，
睇鐘乳石唔係我哋既定行程，只係踩車時見到，
一場去到順便睇埋，講真，無咩特別...
或者因為o個時自己已經開始病病哋...

第一日同第五日o係火車上，無咩特別...
只可以講... 硬臥無想象中咁差...但來回可以平500人仔~
另 - 原來大陸真係好大陸.. 咩意思?
火車開之前，每個車卡要選兩個人做 "旅客治安員"
要掛住一個紅色牌，要登記姓名...
唔知做啲乜，但同行o既兩個fan仔回程時被選中...
笑到我哋扒喺度~
至於呢兩個 "旅客治安員" 做咗啲咩?
一被選中決定瞓覺... 瞓到返深圳落車o個隻...

呢個 trip，唔係美食團，唔係豪華團，唔係購物團，
但非常好玩.