梁ＸＸ事件

每人總有一啲特別o既性格，特質，偏愛...
如果要講梁ＸＸ，我會用 "騎呢" 去形容佢.

我好似... (真係唔記得咗).. 中二認識佢...
第一個印象係佢啲字好 "鐵劃銀鈎"...
起晒角得嚟又相當有力... 講真，我唔覺得佢啲字靚，
不過喺班中算係好特別...
....特別在於唔靚o既字竟然得到班中老師欣賞..
(無記錯...反町當年啲字仲靚.. 但書法比賽竟屈居於梁ＸＸ之下)

踢波，其實ＸＸ如果安於打龍門，以佢身高可能會有一番作為，
（或者...如果佢專心打籃球可能作為更大）
但無奈佢想入波（只係想入波，唔係入到波），
加上中五後足球小組有個特別風氣　－
唔好波o既踢前鋒，無謂輸波累街坊，
因此ＸＸ可以穩佔（後備）前鋒一席.

十年無見，佢結婚...
呢十年以嚟，無一個電話，見面少過三次，
但.... 誠意拳拳咁約大家出o黎派帖，
"Pan 請" <-- 恕我才疏學淺，呢個新詞彙我係由梁ＸＸ事件學返嚟
唉... 真係... 搵食艱難...我唔係話佢..
我係話應約出席婚宴o既朋友仔，大嗱嗱五舊...

我無去，但有去o既朋友仔引述，婚宴不減佢 "騎呢" 風格...
除咗唔夠汽水啤酒外，現場煙冒激光場面竟被賓客誤會為酒樓失火；
佢現場 Solo 唱情歌我一啲都唔意外，但遺憾o既係..
聽講新娘拋花球竟然無姐妹搶到，要梁ＸＸ飛身接花球...
（因為花球落地無人接唔好意頭的）
我好想睇呢個情景... 有冇人放上youtube?~

還記得，中學時西門BenBen也算是騎呢一族，
我覺得西門總算修成正果，希望梁ＸＸ同埋BenBen都快啲正常返...

差啲唔記得恭喜梁同學
衷心祝福~~