失蹤（一）

失蹤了一段日子，先講講近來忙D咩：

自從農曆新年起，心口不時隱隱作痛，
睇過醫生食晒止痛藥都未見好轉，
上一個星期，我入咗仁安醫院做身體檢查

呢次入廠，有幾個新發現：

第一：我膽固醇偏高
醫生同我講時佢忍唔住笑，
雖則係人都知道膽固醇高低與身型無關係，
但係... 我聽既時候都一樣忍唔住笑

第二：有個中學朋友仔決定結婚
據可靠消息引述，
我地當中一個中學朋友仔最近決定同佢拍拖好幾年o既女友拉埋天窗，
聽到梗係高興，我雖然同佢未 fan 到打 Band...
但如果可以我都好希望可以做佢兄弟團o既一份子...
一齊見証佢踏入人生另一個階段...
Anyway, 恭喜晒~~

第三：東京審判
呢套片上畫o既時候只有粉嶺上水有得做，
約過幾個 fan 都因為地點太遠而打退堂鼓，
咁o岩醫院入面睇 cable tv 有播，
再次引證自己o既眼光真係唔錯...
好戲一場，推介！
（歷史電影，理科生請三思）

當然，除咗呢單嘢之外，我仲忙緊其他事，
下回繼續....