求婚失敗 - 吉士

尋晚同一個大學同學食飯，
佢講開都係時候諗結婚...

"認同吖，我的確都有考慮呢個問題...."
我呢個回應，嚇親我呢個大學同學，
佢話佢一直以o黎都唔認為我會結婚...

可能年紀大o左（少少），
覺得有個穩定o既 status，
其他o野都好似會好 d...
當然，down to earth，得個講字無意思o既...
講o左唔做不如唔好講啦... 不過我自己事唔係呢篇文章主題.

講返我個大學同學...
我呢個大學同學早前情人節求婚，失敗o左...
因為佢唔夠吉士，俾佢女朋友兇一兇佢：
"你唔係諗住今日求婚下?.." 後當堂吞軚....

佢尷尬咁講... 求婚仲難過追女仔...
我都認同o架... 未拍拖大家都沐浴o係互相摸索階段嘛...
要幾好，都幻想到有幾好，都充到有幾好~~
拍o左拖，人家連你有幾多條腳毛都知啦...
仲話要令佢有一刻o既 fancy，一刻o既 surprise，一刻o既 touching...
除非我中o左六合彩...

話分兩頭，我覺得吉士係好重要o既...
同追女仔時爆籃一樣，
扭晒十一個球員加球証但臨門唔起腳都係o徙氣...
人家肯同你走埋一齊，都預o左會結婚（道理上），
問題在於你o既吉士... anyway, 要儲o既...
俾心機啦，大學同學，我等緊做你兄弟~~

近來俾我另一半話我唔浪漫，不過讚我有倩趣，
我自知唔係情聖，最多都係 charm o既型男...
預計他日我求婚時都唔會太過精采，但誠意要搭夠囉...
講到尾，Okay 啩.. 今日好男仔賣少見少，尤其 charm o個隻...

兄弟們，資料提供：
我近來先至知道求婚戒指一隻就可以，唔駛一對，
價錢一萬左右都好見得人（當然豐儉由人啦）
有更抵o既，或其他相關資料，歡迎提供～～