aRE wE ReaDY?

奧運愈來愈近, 愈來愈覺得中國/ 香港唔應該搞奧運...

人心惶惶, 勞民傷財,
據說負責興建雀竇, 水立方o既民工完工後奧運前,
京奧因為擔心佢o地 "有辱國體" 被邀請各自回鄉,
(其實可以送免費入場票俾民工, 佢o地係真正打造奧運o既先鋒)
另, 官方大肆拘留上訴同胞 (需知道上訴者即係苦主上京告御狀),
但呢 d 苦主未見官先拘留 30日,
又因為京城工程浩大, 原居民無賠償之下要賠上祖屋,
眼見不少居民哭哭啼啼咁話唔想要錢, 只想留住祖屋,
結果政府 "一人讓一步" (唔俾錢但要你搬),
香港方面, 沙田體育學院改建為馬術場地, 玩完奧馬就會拆晒還原,
唔知幾多十萬用三兩個星期, 至於奧馬內容係o的咩, 幾時玩,
中國 / 香港代表係邊幾個?! sorry, 真係唔知...
只知道自己無啦啦成為恐怖襲擊威脅下o既市民...

8月8日, 全城起哄, 因為每人都記住東突厥o既溫馨提示,
五點, 雅虎話俾香港人知銅鑼灣地鐵站有菠蘿,
中環至銅鑼灣全面塞車, 搞到我五點九準時香港仔放工,
七點先至到紅磡...

十點先走去睇奧運開幕式 -
我睇 d 表演真係覺得一般,
(真係頂唔順張藝謀話短期內無人可以超越佢o地)
(佢呢個講法完全顯出大國o既風範 - 霸道)

真係覺得今次奧運自己唔係太投入, 睇住李老闆做空中飛人,
只係希望佢個火唔好熄,
同埋火炬唔好跌 --- 佢自己跌個火炬都唔好跌

===============================================
但, 當台灣同埋香港運動員出場時, 全場尖叫鼓掌,
我開始感到咩叫 "主場優勢", 亦覺得自己真係中國o既一份子, 好 warm...


We are not ready... but,

我o地就係奧運.