垃圾學校

早幾日小學學額公佈派位，有個六歲o既小妹妹獲派第一志願，
記者問佢感受，佢平靜咁答：
"好開心，因為唔駛讀埋o的垃圾學校."

佢o既平靜，
話俾大家知佢父母應該耳濡目染咁教識佢咩叫 "垃圾學校"，
自問我唔知咩叫 "垃圾學校"，
我只知道（聽有小朋友o既同事講），宜家已經無學能測驗，
（大家唔好扮後生話唔知道咩叫學能測驗）
派位只係由家長填志願表然後直接由電腦抽籤，
得唔得全由運氣（or 上帝）主宰，
換言之，同學生o既能力百分之百無關係.

悲哀... 一個小小o既六歲小朋友，
應該係要學識咩叫尊重，禮貌，
但似乎仲未識界定何謂垃圾學校之前，已經學識咩叫有色眼鏡...
香港小朋友... 越來越早熟聰明..

我唔想俾小朋友睇唔起，我讀o的學校都唔曳o架，
申報資產先：

小學：FMB循理會白普理基金循理小學
中學：沙田循道衛理中學
大學：香港城市大學 / 香港理工大學

睇完呢個新聞，有三個問題：

第一：
當我他朝有小朋友時，點樣教識佢不卑不亢

第二：
如果我係小妹妹入讀o個間小學o既校長，我會點教佢...
我諗，我會同佢上一課 - 決定唔收佢
等佢同佢家長知道咩叫尊重同埋禮貌.

第三：
唔知呢個小學生個阿爸阿媽，阿爸個阿媽，同埋阿媽個阿媽個阿爸，
係讀邊一間學校...