屬於

>>公司 Email 出現：
"原定10月12日至10月25日o既展覽會將延長至11月2日."

>>公司 Email 出現前：
10月25日完 show 後應該會攰到嘔泡，
生日話晒都係一年一次... 仲係三十大壽喎...
一於搵o的o野搞下 ~~~
屬於我o既生日，一於拎一兩日假俾自己抖下啦，
仲要約晒所有 fan 一齊出o黎喎，
另外o係新翠酒樓或大排檔擺返幾圍癲返下..
(... 我雖然從來無講過呢個提議出o黎，但我係講真o架~)

似乎人算始終不如天算，
仲要好多時好多事o既實情，
往往o係把心一橫後你先至會恍然大悟

凡事盼望，凡事相信，凡事忍耐
"將來o既o野無人可以預測" - 呢句說話我經常掛在口邊...
... 因為我實在經歷過太多次 "恍然大悟"..

返工o既生日，即使只有我自己記得，
我仍會暗裡為自己祝福..
不投訴，努力做，總有回報

男人o既 "屬於"...
唔係放o係跟前，
唔係握o係手裡，
更多時更多事，係放o係心上.

善待自己，好好照顧身邊o既朋友仔，
十年人事，好難避免大家成家立室各散東西，
但我希望到四十大壽時，仍有今日咁多朋友仔肯陪我癲一晚...



近來聽呢兩首歌，覺得幾好聽..


未願拋開　幸而有愛
原來精彩　才能記載




十年前　彼此不夠遷就
十年後　只會做好朋友