永結同心

朋友，你話呢一排好少機會見到我，言語間有 d 怪責我 "重色輕友"...

我明白
我理解
但我唔認同

如果強迫要我選擇自己o既 "事業"，"伴侶"，"fan"...
我會義無反顧咁將 "fan" 放o係呢三樣選擇最低o既位置，
唔係我輕視，只係我覺得...
我需要向其餘兩個選擇負上更大更大o既責任...

事實上，我唔認為需要將呢三個選擇做比較，
三樣對我同樣重要，缺一不可，
亦唔會話拍拖後就唔再需要 fan，
我確實叫自己要平衡各方面...

朋友，應該知道我係一個負責任o既人，
盡可能情況下，我一定會以我另一半為大前提，
如果，認為我可以將我未拍拖時對待 fan o既比重，
o係拍拖後依舊維持，咁實在太抬舉我...

我認真咁視身邊o既人為自己終身對象...
對佢偏愛，出現你眼中o既 "重色輕友"，係無可厚非...
朋友，將心比己，你應該明白...
你應該要明白...

我成長過程中有好幾個好朋友因為誤會心病，
或者少o左聯絡，最後宜家連陌路人都不如...
其實好難受，好可惜... 我唔想再發生呢 d 事...

朋友，其實你同我都買少見少...