念舊

尋晚曼聯主場大炒紐卡素 6-0 升上榜首...作為 ManUtd fans, 睇住直播並無預期中興奮, 相反有少少悲涼...其實上半場曼聯只佔少少優勢... 半場休息時仲係 0-0.. 講真紐卡素上半場打得唔曳, 無領隊之下將士更顯用命, 紐卡素隊長阿倫史密夫, 中場畢特等曼聯舊將瞻前顧後... 即使佢o地已經不再紅魔, 但我都覺得佢o地打得好...


下半場, 形勢逆轉, 曼聯連入 6 球...
阿倫史密夫臨完場更因為同球証理論而被紅牌趕出場,
敗軍之將, 紅魔舊部, o係除下隊長臂章交俾紐記隊友,
獨個從球場步入熟悉o既奧脫福更衣室之際,
聽到o既唔係全場取笑揶揄... 而係全場眾人站立拍掌聲...
彷彿佢仲係紅魔o既一分子...

付出過o既... 常在心坎.