...... FAIR 後感...

以下就係我 FAIR 後感：

唔算係一個成功o既展覽會，
但對我o黎講，係一個好有趣o既經歷...

我，等於：
嚴謹
執著
多疑
一個人
無宗教
瘦
唔鍾意小朋友

展覽會期間有個近 50 歲o既保安員楊 sir 好喜歡同我傾偈...
佢話佢學緊佛，我同佢從來未見過，
但佢話佢好鍾意同我分享佢五十年o既經歷...
我乜都無講，但佢 cover o既課題統統就係我以上列出o既種種...
佢話學佛可以令人豁達之餘，
又同我講神州大地各地女仔唔同o既性格，
但又提醒我宜家踏入我黃金 10 年，兒女私情只會妨礙事業，
又講有小朋友o既好處，連健身練大隻都講埋...
其實，我覺得有趣o既地方係：
佢好似一個派o黎同我講o野o既人咁，
我無全盤接受佢o既睇法，但好享受佢o既分享，
因為我一直都覺得缺乏前輩指點，
o係我事業有個契機時，就出現o左一個使者...
感覺....... 就係有趣~


其實，都算係一個好成功o既展覽會...

論時間，人力，財力，我好欣賞每一個人o既表現，
或者咁講，我老早就放低o左呢個展覽會究竟有幾多買家幾多參展商，
我o既焦點只係放o係同每人合作o既機會－
唔單止同事，
AKI o既 Raymond, Barry 話下個月同我食飯，
Brink's o既 Ella 約我之後出o黎飲o野，
Abon o既 Ivan 搞笑咁問我間公司係咪好難做，
Dickson 話好唔捨得我，我相信佢係話唔捨得我公司 d 生意...
...
今次，好似同一班好拍擋o既 farewell party 咁...
我好多謝每人對我o既幫助... 我真係好感激...

至於同事們，早前同老細講好我 last 一日才公佈，但提早o左...
不過唔緊要，反正 FAIR 並無因為我而受任何影響，就好...
要講o既，我都講晒；可以分享o既，我亦都分享晒，
希望每人好快都可以獨當一面...
他朝江湖再見時，從頭再笑餐飽~

btw，多謝每個同事每年都同我慶祝生日，天蠍座o既我一定會記住！


以上就係我 world trade FAIR 後感.